దేవుదల గ్రామంలో ఉచిత ఆయుర్వేద వైద్య శిబిరం

పాలకొండ వెబ్ న్యూస్, ఫిబ్రవరి 21, 2026​ఆంధ్రప్రదేశ్ ప్రభుత్వ ఆయుష్ శాఖ ఆయుష్మాన్ ఆరోగ్య మందిర్ ఆయుర్వేద వైద్యశాల సంకిలి ఆధ్వర్యంలో రేగిడి ఆమదాలవలస మండలం దేవుదల గ్రామంలో ఉచిత వైద్య శిబిరాన్ని నిర్వహించారు. డాక్టర్ డి మోహన్ రావు పర్యవేక్షణలో జరిగిన ఈ కార్యక్రమంలో గ్రామస్తులకు ఉచితంగా వైద్య పరీక్షలు నిర్వహించి మందులను పంపిణీ చేశారు. ఈ సందర్భంగా డాక్టర్ మోహన్ రావు మాట్లాడుతూ ప్రతి నెల మూడవ శనివారం స్వర్ణాంధ్ర స్వచ్ఛ్ ఆంధ్ర కార్యక్రమంతో పాటు ఉచిత మెడికల్ క్యాంపు ఉంటుందని వెల్లడించారు. ఈ శిబిరంలో యోగా ట్రైనర్స్ ఎన్.నాగభూషణరావు, పి.ఉషారాణి మరియు ఆరోగ్య సిబ్బంది పాల్గొని ప్రజలకు అవగాహన కల్పించారు. ఆయుర్వేద వైద్యం పొందిన రోగులు చికిత్స పట్ల సంతృప్తి వ్యక్తం చేయగా, గ్రామ పెద్దలు ఈ సేవా కార్యక్రమాన్ని హర్షించారు.

​news by: BSS Prasad